VAINGANGA NEWS 24/ विशेष प्रतिनिधी,
आर्थिक मदतीचा हात पुढे; अनेक वर्षांपासून रखडलेले ग्रामस्थांचे स्वप्न पूर्णत्वास येण्याची आशा,
गडचिरोली, 25 ऑक्टोबर 2026::- गडचिरोली तालुक्यातील मौशीखांब-मुरमाडी जिल्हा परिषद क्षेत्रांतर्गत येणाऱ्या बेलगाव येथील सभामंडपाचे अनेक वर्षांपासून रखडलेले काम आता पूर्णत्वास येण्याच्या मार्गावर आहे. छत्रपती सेनेचे संस्थापक अध्यक्ष अरविंदभाऊ कात्रटवार यांनी सभामंडपाच्या दुरुस्ती व कामासाठी आर्थिक मदतीचा हात पुढे केल्याने ग्रामस्थांच्या आशा पल्लवित झाल्या आहेत. त्यांच्या या पुढाकारामुळे गावातील नागरिकांचे सभामंडपाचे स्वप्न लवकरच साकार होण्याची अपेक्षा व्यक्त केली जात आहे.
आर्थिक अडचणींमुळे रखडले होते काम :-
बेलगाव येथे सभामंडपाची इमारत उभारण्याचे काम आर्थिक अडचणींमुळे अनेक वर्षांपासून अपूर्ण अवस्थेत होते. त्यामुळे गावातील विविध सामाजिक, सांस्कृतिक कार्यक्रम तसेच ग्रामस्थांच्या बैठका आयोजित करताना अडचणींचा सामना करावा लागत होता. ही समस्या ग्रामस्थांनी अरविंदभाऊ कात्रटवार यांच्या निदर्शनास आणून दिली. त्यानंतर त्यांनी सभामंडपाची पाहणी करून काम पूर्ण करण्यासाठी आर्थिक मदतीचा पुढाकार घेतला.
सभामंडपामुळे गावातील नागरिकांना विविध कार्यक्रम, सामाजिक उपक्रम आणि बैठका घेण्यासाठी हक्काची जागा उपलब्ध होणार आहे. त्यामुळे या उपक्रमाचे ग्रामस्थांकडून स्वागत होत आहे.
‘समाजसेवा हीच ईश्वरसेवा’ या विचारातून सामाजिक बांधिलकी :-
छत्रपती सेनेचे संस्थापक अध्यक्ष अरविंदभाऊ कात्रटवार यांचा मौशीखांब-मुरमाडी जिल्हा परिषद क्षेत्रात जनसंपर्क असून, नागरिकांच्या समस्या सोडविण्यासाठी पुढाकार घेणारे नेतृत्व म्हणून त्यांची ओळख आहे. परिसरातील नागरिकांच्या अडचणी जाणून घेऊन त्यावर मार्ग काढण्याचा त्यांचा प्रयत्न असतो. ‘समाजसेवा हीच ईश्वरसेवा’ हा विचार जोपासत त्यांनी बेलगाव येथील सभामंडपाच्या कामासाठी मदत करून सामाजिक बांधिलकी जपली आहे.
गावाच्या विकासासाठी अशा प्रकारचे सहकार्य महत्त्वाचे ठरत असून, सभामंडपाचे काम पूर्ण झाल्यानंतर ग्रामस्थांना विविध सार्वजनिक कार्यक्रमांसाठी सोयीचे ठिकाण उपलब्ध होणार आहे. अरविंदभाऊ कात्रटवार यांनी दाखविलेल्या तत्परतेबद्दल बेलगाववासीयांनी त्यांचे आभार व्यक्त केले.
छत्रपती सेनेचे पदाधिकारी व ग्रामस्थांची उपस्थिती :-
यावेळी छत्रपती सेनेचे जिल्हाप्रमुख यादवजी लोहंबरे, जिल्हा संघटक विनोद चापले, उपजिल्हाप्रमुख गोपाल मोंगरकर, तालुकाप्रमुख यादव चौधरी आणि प्रशांत ठाकूर यांची प्रामुख्याने उपस्थिती होती.
तसेच अरविंद भांडेकार, रुमन भांडेकर, बापूजी वासेकर, जितेंद्र नैताम, संजय चापले, शामराव भांडेकर, सर्वदास भुरसे, जगदीश कुनघाडकर, विजय भुरसे, पुडलिक जुवारे, महादेव जुवारे, शिवराम होळी, मंगेश भांडेकर, पंढरी भांडेकर, रुपचंद चापले, विनोद ढोडरे, रोहिदास चावडे, सुधीर भांडेकर, राजेंद्र वासेकर, मोरेश्वर वासेकर, अशोक नैताम, राजेंद्र कुकडकर, वैभव भांडेकर, प्रवीण जुमनाके, नंदकिशोर वासेकर, मनोहर लटारे आणि वीरेंद्र मोंगारकर यांच्यासह ग्रामस्थ उपस्थित होते.
बेलगावातील सभामंडपाचे काम पूर्णत्वास गेल्यास गावाच्या सामाजिक व सांस्कृतिक उपक्रमांना नवी जागा मिळणार असून, ग्रामस्थांचे अनेक वर्षांपासूनचे स्वप्न साकार होण्याच्या दिशेने महत्त्वाचे पाऊल पडणार आहे.
