VAINGANGA NEWS 24/विशेष प्रतिनिधी,
आमदार धर्मराव बाबा आत्राम यांच्याकडून प्रथम पारितोषिक,
गडचिरोली /सिरोंचा,१२ मार्च २०२६::- तालुक्यातील आसरअल्ली गावात आयोजित करण्यात आलेल्या भव्य टेनिस बॉल ओपन ग्रामीण क्रिकेट स्पर्धेचा समारोप उत्साहात पार पडला. स्पर्धेतील विजेत्या व उपविजेत्या संघांना बक्षीस वितरण कार्यक्रमाद्वारे गौरविण्यात आले.
या स्पर्धेसाठी माजी मंत्री तथा *आमदार राजे धर्मराव बाबा आत्राम* यांच्या वतीने प्रथम पारितोषिक म्हणून ३१,००० रुपयांचे रोख बक्षीस देण्यात आले. यामुळे स्पर्धेत सहभागी झालेल्या खेळाडूंमध्ये मोठा उत्साह पाहायला मिळाला.
या कार्यक्रमाला सिरोंचा तालुक्यातील राष्ट्रवादी काँग्रेस पक्षाचे पदाधिकारी व कार्यकर्ते मोठ्या संख्येने उपस्थित होते. यामध्ये नगरसेवक सतीश बोगे, शहराध्यक्ष रवी सुलतान, कार्याध्यक्ष मदनाय्य मदेशी, अल्पसंख्याक अध्यक्ष जूगूणु भाई, कार्यकर्ता गफूर भाई तसेच गावातील क्रीडाप्रेमी व नागरिक मोठ्या संख्येने उपस्थित होते.
स्पर्धेच्या आयोजनाबद्दल उपस्थित मान्यवरांनी आयोजकांचे कौतुक करत ग्रामीण भागातील युवकांनी क्रीडा क्षेत्रात पुढे यावे, असे आवाहन केले. कार्यक्रम उत्साहपूर्ण वातावरणात पार पडला आहे,
