VAINGANGA NEWS 24/विशेष प्रतिनिधी,
खेळांप्रमाणेच सर्वच क्षेत्रात युवकांनी एकजुटीने पुढाकार घ्यावा – राजे अम्ब्रिशराव महाराज,
गडचिरोली /भामरागड,०६ फेब्रुवारी २०२६::- तालुक्यातील अतिदुर्गम खंडी नैनवाडी येथे आयोजित भव्य व्हॉलीबॉल स्पर्धेचे उद्घाटन माजी राज्यमंत्री राजे अम्ब्रिशराव महाराज यांच्या शुभहस्ते उत्साहात पार पडले.
यावेळी बोलताना त्यांनी सांगितले की,अहेरी उपविभागात पूर्वी मोजक्याच खेळांच्या स्पर्धा होत असत; मात्र आता सर्वच प्रकारच्या खेळांच्या स्पर्धा अगदी अतिदुर्गम भागातही सुरू झालेल्या दिसत आहेत,ही अत्यंत आनंदाची बाब आहे.
या भागातील खेळाडूंमध्ये प्रचंड क्षमता असून अशा स्पर्धांमुळे त्यांना पोषक वातावरण मिळते.विशेष म्हणजे या गावात प्रथमच भव्य व्हॉलीबॉल स्पर्धेचे आयोजन करण्यात आले असून तब्बल ४२ संघांनी या स्पर्धेत सहभाग घेतला आहे.
पुढे बोलताना त्यांनी सांगितले की,क्रीडा ही मानवी जीवनाची अत्यावश्यक गरज आहे. अशा स्पर्धांच्या आयोजनातून गावकऱ्यांमध्ये एकजूट दिसून येते. सुशिक्षित युवकांनी खेळांप्रमाणेच गावाच्या विकासासाठीही एकत्र येऊन पुढाकार घेतल्यास गावाचा नक्कीच सर्वांगीण विकास होऊ शकतो.
या कार्यक्रमास युवानेते कुमार अवधेशराव बाबा आत्राम,अर्जुन आलाम (भाजपा तालुका अध्यक्ष, भामरागड),सम्मा कटीया कुडयामी (गाव पाटील), कु.काजल मधुकर दुर्वा (सरपंच,ग्रामपंचायत टेकला),वेलादी सर (ग्रामसेवक) यांच्यासह झाकीर हुसेन, लालसू कोवसी,विनोद एक्का,संतोष कोवसी,अर्जुन टोप्पो,संजय टाप्पो,मनोज मडावी,झुरू मडावी आदी मान्यवर व ग्रामस्थ उपस्थित होते.
