VAINGANGA NEWS 24/विशेष प्रतिनिधी,
आमदार रामदास मसराम यांच्या वाढदिवसानिमित्त विद्यार्थ्यांचे चेहऱ्यावर फुलले आनंदाची हास्य,
गडचिरोली /देसाईगंज,२२ ऑगस्ट २०२६::- आरमोरी विधानसभा क्षेत्राचे लोकप्रिय आमदार श्री. रामदासजी मसराम यांच्या वाढदिवसानिमित्त महात्मा ज्योतिबा फुले नगर परिषद प्राथमिक शाळा, हनुमान वॉर्ड, देसाईगंज येथे विद्यार्थ्यांसाठी शैक्षणिक साहित्य व खाऊ वाटपाचा उपक्रम उत्साहात पार पडला. आमदार श्री. रामदासजी मसराम यांच्या हस्ते शाळेतील विद्यार्थ्यांना नोटबुक तसेच खाऊचे वाटप करण्यात आले.
विद्यार्थ्यांच्या शैक्षणिक प्रगतीला प्रोत्साहन मिळावे आणि त्यांच्या चेहऱ्यावर आनंद फुलावा, या उद्देशाने आयोजित करण्यात आलेल्या या उपक्रमाला विद्यार्थ्यांचा उत्स्फूर्त प्रतिसाद मिळाला. शैक्षणिक साहित्य मिळाल्यानंतर विद्यार्थ्यांच्या चेहऱ्यावर उमटलेला आनंद आणि उत्साह विशेष पाहायला मिळाला.
यावेळी आमदार रामदासजी मसराम यांनी विद्यार्थ्यांशी संवाद साधत शिक्षणाचे महत्त्व अधोरेखित केले. विद्यार्थ्यांनी नियमित अभ्यास करून आपल्या आई-वडिलांचे, शिक्षकांचे तसेच शाळेचे नाव उज्ज्वल करावे, असे आवाहन करण्यात आले. विद्यार्थ्यांच्या गरजा लक्षात घेऊन त्यांना आवश्यक ते सहकार्य करण्यासाठी आपण सदैव तत्पर असल्याची भावना यावेळी व्यक्त करण्यात आली.
वाढदिवसाच्या निमित्ताने केवळ शुभेच्छा आणि सत्कारापुरता कार्यक्रम न ठेवता विद्यार्थ्यांच्या शैक्षणिक गरजा लक्षात घेऊन सामाजिक उपक्रम राबविण्यात आल्याने उपस्थितांनी या उपक्रमाचे कौतुक केले. विद्यार्थ्यांना शैक्षणिक साहित्याची मदत मिळाल्याने त्यांच्या अभ्यासाला निश्चितच प्रोत्साहन मिळणार असल्याचे उपस्थितांनी सांगितले.
कार्यक्रमाला माजी सभापती परसराम टिकले, काँग्रेस कमिटी तालुकाध्यक्ष राजेंद्र बुल्ले, मनोहर डांगे, धनपाल मिसार, हंसराज लांडगे, विकास प्रधान, श्याम उईके, संजय कोसरे, इरफान शेख, जितेंद्र चौधरी, पीलारे सर, राधेश्याम पत्रे, सागर वाढई, शैलेश येलगंदवार यांच्यासह शाळेतील शिक्षक, कर्मचारी, विद्यार्थी व पालक उपस्थित होते.
आमदार रामदासजी मसराम यांच्या वाढदिवसानिमित्त आयोजित करण्यात आलेल्या या उपक्रमातून ‘विद्यार्थ्यांच्या शिक्षणाला हातभार आणि त्यांच्या उज्ज्वल भविष्यासाठी पुढाकार’ हा सामाजिक संदेश देण्यात आला. उपक्रमाच्या माध्यमातून विद्यार्थ्यांना मिळालेल्या प्रोत्साहनामुळे शाळेच्या परिसरात आनंदाचे व उत्साहाचे वातावरण निर्माण झाले होते.
